منتـديـات اســكـنـدريـة جـنـة الـعـشـاق
:: عزيزي الزائر / عزيزتي الزائرة ::

يرجي التكرم بتسجبل الدخول اذا كنت عضو معنا
:: او ::
التسجيل ان لم تكن عضو لكى تنضم الى اسرة
اسكندريه جنه العشاق
مع تحيات / مدير المنتدى




 
الرئيسيةبحـثالتسجيلدخولتسجيل الدخول
اخر المواضيع
قائمة الاعضاء
افضل 20 عضو
الدخول

حفظ البيانات؟
التسجيل السريع

الاجزاء المشار اليها بـ * مطلوبة الا اذا ذكر غير ذلك
اسم مشترك : *
عنوان البريد الالكتروني : *
كلمة السر : *
تأكيد كلمة السر : *


شاطر | 
 

 الظاااااهرة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
The Future
عضو مشارك
عضو مشارك
avatar

ذكر
الجدي
البلد :
العمر : 26
عدد الرسائل : 44
المزاج :

الوظيفه :
تاريخ التسجيل : 12/02/2011
نقاط : 124

مُساهمةموضوع: الظاااااهرة   الإثنين فبراير 14 2011, 08:27

الظاهرة
اللى معانا النهارده انتشرت جدا وبقت سمه من
سمات الشاب الروش المدقدق
والبنت الفرفوره الاموره وبتكتر اوى مع تجمعاتكم
وخروجاتكم
يعنى افيدلنا احنا انكم تفضولوا ف بيوتكم ع طول
ايه هيا الظاهره بقى ...!!
الشتيمه ...!!!
كان زمان لما حد يشتم حد بالام او الاب ..
يالهوووووووووى
تقوم الدنيا ومتقعدش (( كان ف ازمة كراسى
بقى )) ويحصل خناقات
وممكن توصل لمطاوى والسلاح زى ماحنا
عارفين عادة بيطول .. وينتهى الفيلم ده بواحد ف
المستشفى وواحد ف القسم وتنزل النهايه

والظاهر مع تغيير مواصفات السينما الحديثه اتغير
الفيلم ده ؟؟؟!!

سامح : متيلا ياله نخرج بعد القعده الوسخــ ده

.....
ماجد : مالها القعده ياابن الــ .........


علاء :: ده امك انت ياله ....


ماجد :: ماشى ياابن ال ...... الله يرحم ابوك
كان ...... يلا نخرج
علاء :: يلا يامان
احلى نهايه

ايه دا بجد حد يفهمنى طيب ده ازاى يعنى .. ده امك
وده ابوك .. عايزين تشتموا
اشتموا بعض يعنى اوولعوا انتو الاتنين بجاز لكن
امك وابوك وتنتهى ..

لا يبقى ف حاجه غلط .. سورى يعنى
نيجى بقا للبنات
مها : اسكتى اما البت نهى شفتها امبارح مع
طارق ف الكافيه .. بنت المفكوكه كانت مظبطه
مى:: شوف البت بنت المحرومه .. اول موقعت
ف طارق لزقتله يابنتى
مها :: الله يرحم ماجد يابت اللى يسمعك ميسمعش
ايام مكنتى ... يابنت العبيطه
مى:: انا يابنت الهايفه .. اومال انتى بقى مع
الواد زيزو كنتوا ايه .. خلى الواحد ساكت احسن
مها :ساكت ايه يا بنت الشنبانزى ما تتكلمى يابنت
الديخه

اه والنبى ياست مى اسكتى احسن وحياة ابوكى
ياشيخه ..
طبعا بكده .. عرفنا ان الظاهره انتشرت ف البنات
كمان بس بالفاظ اقل حده يعنى
بنت المفكوكه .. بنت المبعجره .. بنت اللئيمه ..
بنت العوجه .. الــخ
الترتيب المنظقى للظاهره ..
ف البدايه انتشرت الظاهره بين الشباب بينهم وبين
بعضيهم يعنى
ثم وبقدرة قادر بقت موجوده ف الاماكن العام
مش
صعب انك تلاقى شلة شباب فى قلب سكشن
فى المعهد
بيشتمو و بيسبو و كدا يعنى و حاجات بقه اقل
ما يقال عليها جمييييييييييله
يعنى الظاهره دى
انتشرت بسرعه غريبه للبنات بينهم وبين بعضيهم
ثم بقت بين البنات ف الاماكن العامه عادى
فمن المحتمل جدا انك تلاقى تلات بنات قاعدين ف
كافيه ومديينها كلام من ده

حاليا بقى .. بقت بين البنات والولاد هع
فمن الطبيعى جدا دلوقت انك تبقى قاعد ف النادى
باحترامك وتسمع جروب ولاد وبنات زى العسل
كده

احمد يشتم جيجى .. منى تسب الدين لمحمود ..
معرفش مين يلعن ابو مين
عـــــــــــــــــــــــــــــــــــــــادى والله
لا مش عادى بقى ... كفايه .. كفايه بجد

بص بقى ياعم ...
من ناحية الدين طبعا حرام ده اكيد .. سب الدين
اللى بقى ع لسان الرفيع قبل التخين ... وقذف
الاهل بكلام ف القانون يعتبر سب وقذف

يعنى لو قلبت بجد بينك وبين صاحبك ف يوم
وقفش عليك وراح قدم محضر هتتجرجر ياحلو ف
قضية سب وقذف ع طول
بس القانون لسه محدش ادالوا خبر باللى بيحصل
ده ... علشان يتلغى بقى السب والقذف ده مهو
خلاص بقت عادى
اشطا اوووووى ... ده دينيا وقانونيا
طب واجتماعيا .... انت بتاثر ف اللى جنبك واللى
جنبك بيعلم اللى جنبه
وباذن الله 5 سنين وهنبقى شعب .. بيتباهى
بالشتيمه وبكده تبقى بالسلامه
مش
هكدب ولا هقول انى متعلمتش من الكلام ده لا

طبعا انا مش ملاك ولا نازل من السما


سيبك انك بتجرح اهلك بكلام ...نركنه على جنب
ياعم انت بتجرح اللى حواليك بالكلام ده .. ماشى

صحابك اللى ف الشله متعوديين ع الكلام ده
...
البنات اللى واقفين معاك عادى بالنسبالهم الكلام ده
اشطا جدا
لكن لسه فى ناس مش حابين يسمعوا الكلام ده ..
وفى بنات أقل وصف ان فعلا بيجرحهم جدا الكلام ده

يعنى باذنك يارب .. هتاخد ذنب الناس اللى بتشتم
فيهم ف غيابهم حتى لو ابنهم الراجل الطول
بعرض ده

موافق ع الكلام
وهتاخد ذنب كل الناس اللى حواليك وبتأذيهم
بكلامك ده ... يعنى اى خروجه هتخرجها يابطل
شوف هتقول
فيها كام كلمه وهتاخد عليها كام ذنب
وان شاالله ما حد حوش

وعلى فكره الكلام ده هيدمر ذوق مجتمع ..
ومش هنبقى بعد كده عارفين ايه الجميل وايه
الوحش ايه الصح وايه الغلط
مهو كله عادى ..
ومبقاش لينا الحق نستغرب ع بحبك ياحمار ومش
بعيد الصيف الجاى تبقى اشهر اغنيه عاطفيه ف
السوق اسمها

بحبك يابنت الكلب .. ده انتى اللى جوا القلب ..
بس انا عايز اسال سؤال فصيح شويه ...
افرض اللى قدامك فعلا يقصد الشتيمه اللى
بيقولها ... انت هتعرف من فين اذ كان ده هزار
عادى ولا بجد
مش بقلكم مش هنبقى عارفين ايه الجميل وايه
الوحش

بتقولوا الكلام ده ليه ؟؟ شايفينه بيدل ع الروشنه
والطرئعه وما الى ذلك من كلام انا
مش فهمله معنى اصلا
ازاى
تقبل ع اهلك يتقال عليهم كلام زى ده .. حتى لو
ع سبيل الهزار زى ماقلنا ..
ايه يااخى ده كانت خلفت خروف افيد والله ..
فين الرجوله وفين كرامتك
فيـن فيـن فيـن
ذهبوا مع الريح..!!
ولا ذهبوا مع العولمه ..!! ولا مع الروشنه ..!!

وسلملى ع المبادىء ..!! مش كده ولا ايه ..!!
و عجبى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
IQI__HeMa__IQI
مدير المنتدى
مدير المنتدى
avatar

ذكر
الجدي
البلد :
العمر : 29
عدد الرسائل : 329
المزاج :

الوظيفه :
تاريخ التسجيل : 26/02/2009
وسام العضو :

نقاط : 361

مُساهمةموضوع: رد: الظاااااهرة   الخميس فبراير 24 2011, 13:14


جزاك الله كل خير وبجد موضوع رئع

_________________
بحبك زى ما تكونى ... رقيقه ... بريئه ... مظلومه
بحبك حتى لو كنتى ... شريده ... عنيده ... مهمومه
بحبك ذاكري فى الماضى ... وفرحه فى بكره مرسومه



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://jant-ela7lam.ahlamontada.com
 
الظاااااهرة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتـديـات اســكـنـدريـة جـنـة الـعـشـاق :: الاقسام العامه :: القسم العام-
انتقل الى: