أنا لا أحب الأخوان .. موضوع مهم للنقاش ارجوا من الجميع الدخول

دى توبيك ولقيتة وعجبنى اوىىىىىىىىى قولت لازم انزله هنا لاحلى موقع

أعزائي الاعضاء

وانا راجعه من الجامعة امبارح ..

وراكبه الميكروباص..

و حاطه الهيدفون في ودانى وبسمع أغنية طراطير للفنان "محمود العسيلي "..

سمعت حد بيزعق ..

رحت شايله السماعة من ودني ..

لقيت راجل كبير في السن علي وقار الشيوخ ( دا بتاع ربنا ومصلي ) ..

بيقول :

أشهد ان لا اله الا الله وأن محمدا رسول الله

أنا لا أحب الاخوان ..... فيها حاجة دي ؟؟؟ اكون بذلك خرجت عن ملة الاسلام ويقع علي حد الردة ؟؟؟

علي ان اشهر اسلامي لانني لا أنتمي الي الاخوان ؟؟؟

أنا لا أحب الاخوان ولا غير الاخوان ولكنني :

أشهد ان لا اله الا الله وأن محمدا رسول الله

فبالله عليكم ما كل هذا الهجوم علي كل من يتجرأ وينتقد الاخوان ؟؟؟؟

أليسوا بشر ؟؟

ألا يخطئون ؟؟

اليس لهم مزايا ولهم عيوب ؟؟؟

أ نا لا أحب الاخوان ولا أكرههم ولكنني مسلم
أشهد ان لا اله الا الله وأن محمدا رسول الله

وما ان وصل الكلام أذن الراجل الجالس الي جانبه حتي اندفع قائلا ( اعذروني لو لغتي العربية بتوقع )

والله يا استاذي الكلام ده ماينفعش فيه التعميم.. تعالى نتكلم عن حالات محددة و هاتلاقي ان كل حالة رد الفعل فيها له تفسير منطقي جدا.. و بعدين فيه فرق بين النقد و الهجوم.. ليه بتلوم عن اللي بيدافع و مابتلومش على اللي بيهاجم؟

و هنا اندفع شاب يبدو عليه من ملامحه انه طالب جامعي قائلا :

وانا أعشق الإخوان واعشق منهج الإخوان واعش منهج الوسطية فى التفكير واحترم جدا من ينتقدهم بكل احترام وبكل موضوعية لرفعة الحق بحقائق دون كذب وتلفيق..
واعشق من يريد ان يطور ويرفع من راية الإسلام سواء كان بتفكير الإخوان او بتفكير يراه صحيح
فهناك فرق يا أخى ان تكره الإخوان وتنتقدهم..أو تحب منهجهم او تكفره او تريد الإصلاح منهم أو تقول عليهم قوم فاسدين [/size]

[size=16]وهنا كان شيخا يستمع للحديث منتظرا اللحظة المناسبة لينطق بالعبارة التي أعجبتني حقا :

أخي العزيز

لك منى كلمه وانا والله لست ضدك ولست معك ولست مع الاخوان ولا ضدهم

أنا فقط مسلم ومصرى احب دينى واعشق وطنى

اخى بالله عليك كفى تشتيتا

بالله عليك كفى تمزيقا فى جسد بلادنا الممزق بالفعل

فى قراره نفسك ما الذى ستحصل عليه فى نهايه هذا الموضوع؟

انت تعلم وتتاكد انك لن تقتنع بوجهه نظر غيرك ولا هم سيقتنعون بوجهه نظرك

وفى النهايه سنزذاد فراقا وكرها لبعضا

اذا كنتم بالفعل تحبون هذه البلد كفاكم عراكاً

فوالله لقد نجحوا فى شحننا على بعضنا

لقد نجحوا فى وضع جدران عاليه تمنع تواصلنا والتئامنا

والله اذا ظللنا على هذه الحاله فهنيئا لمن يريدون نهب هذه البلاد

و ترامي الحديث الي مسامع السائق الذي شارك في الحوار بدوره قائلا :

طب والنبي يا حضرات الاجرة الاول ..

و سيبكوا بقي من الكلام اللي يودي في داهية ده ..

دي عليها أقساط وانا عندي كوم لحم ..

وما ان سمع الجميع سيرة الأجرة ..

حتي سكتوا جميعا و أسرعوا في " لم الاجرة "

و أوكلوا الي شاب لم يتعدي الثلاثين مهمة توصيلها اللي السواق

اللي علي حد تعبيره (مش ناقص).

و كعادة شعبنا الجليل

تكلم ذاك الشاب محدثا السائق و قال :

بس الحكومة دي ذكية اوي يا أسطي ..

قدرت تخليك تخاف تتكلم ..

و ياعيني السواق اتسوح ( كما هو مطلوب ) .

وراح قايل:

صلي ع النبي في قلبك يا أستاذ ..

احنا مبنخفش من حد ..

بس لا مؤاخذة هو الاخوان المسلمين دول لو نا كويسة ..

يفجروا القهاوي و يموتوا السياح ..

و بدون سابق انذار ..

اندفع الطالب الجامعي قائلا :

ياأخي حرام عليك..

هو انت شفتهم بعينيك ..

بطلوا جهل و تخلف بقي ..

ومن الواضح ان السائق لم يعجبه الجهل و التخلف المذكورين في الحوار أو ربما لم يرد ان يسمع غيرهم .

راح قاله :

طب يا ابا متخليش الكلام يوقع منك ..

عشان معملش معاك الغلط ..

و من الواضح أن هذا الكلام لم يعجب أذن الطالب الذي تعصب ورد بسرعة قائلا :

ايوة ان جاهل وتخلف وأمعة ..

وهنا حضرات المشاهدين ..

ركن السواق ونزل وفتح باب الميكروباص و هو يتوعد الطالب ويهدده ..

و انقسم الناس فريقين من يحاول تهدئة السواق .

و من يغلط الطالب و يحاوره ..

اما انا فوضعت الهيدفون في وداني تاني و نزلت ..

وصادف وانا نازله ان الاغنية كانت وصلت للمقطع اللي بيقول في محمود العسيلي :

وزامامير زامامير زامامير..

مبنسمعش لبعض كتير ..

سامعين او مش سامعين والله مفرقتش كتير ..

[size=18]والي هنا كنت نزلت وقررت اروح للبيت مشي

أنا لا أحب الأخوان .. موضوع مهم للنقاش ارجوا من الجميع الدخول 476_2cp9jlt

انقسمت الناس الي مؤيد للأخوان ومعارض لها ومن علي الحياد ..
فأين انت من هؤلاء ..
ولكن اجتمعت العالمين علي أنه لا تفاهم بين المصررين وبعضهم البعض ..

الي هنا انتهي الموضوع وأشفكوا في موضوع تاني

تقعدوا بالعافية

6520

موضوع مهم طبعا بس لازم تعرفى ان كل واحد ليه راي فى الموضوع ده يعنى كل واحد ليه هدف بيحاول يحقق هذا الهدف

ايوة ماشى بس انتا رايئك ايه انتا معاهم ولا ضدهم ولا ايه بلظبط وميرسى على ردك 3656685

بقيتى سياسية ياليلى يالهوىىىىىىىىى ربنا يستر عليكى واسمع عنك انك اتمسكتى ههههه بس بجد موضوع حلو بس احنا ولا ضدهم ولا معاهم الحمدلله يعنى

دودوووووووو حبيبت قلبى دايما كده مشردانى ماشى ماشى ميرسى ياقمر على ردك الحلو دة

نيس توبيك بجد يا قمر

باختصار كل اللى اعرفه عنهم ان هما ناس متدينين بس تدين بسيط

واللى ناجحين فيه صح ان هما بيخلطو السياسة بالدين وده اللى عجبنى فيهم

وقدرو فى فلسطين ان هما يمسكو الحكومة عن طريق حماس

وطبعا بيحولو يعملو كده فى مصر ..

انا طبعا ولا معاهم ولا ضدهم

ميرسى لردك الجميل اوى ده بجد نورتنى 3656685

بجد توبيك جامد جدا
و بعدين كل انسان و دماغه اذا كان معاهم او مش معاهم
و انا بشوف انهم مش وحشين و ناس كويسة

» موضوع هام
» موضوع للبنات فقط
» مثبت :: موضوع هاااااام جدااا بخصوص التوقيع ؟؟؟
» الحقوووووووووو يا مسلمين غرفة لسب الرسول (ص) موضوع هام جدا ارجو المساهمه